[ [ ] [ ] [] [] [] [] [] [] [] [] [] [] []
-->

Espéranto Paris Île-de-France

Hejmpaĝo > Agadoj > Kultura parolrondo

laste ĝisdatigita je la 9a novembro 2018

Ĉiuj versioj de tiu ĉi artikolo : [Esperanto] [français]

Kultura parolrondo

Dufoje monate, la 1an kaj 3an lundon ekde la 18a30, en la Ĉerizejo, ni interparolas en Esperanto pri kulturaĵoj : pri filmo, pri libro, pri ekspozicio, pri spektaklo, pri renkontiĝo, ktp.
Ne timu konigi viajn ideojn kaj/aŭ kunporti trinkaĵojn kaj manĝaĵojn. Por proponi temon, retmesaĝu al marianne.pierquin@laposte.net
Retrovi nian Francilian grupon en facebook : Esperanto Paris Île-de-France

Venontaj datoj estas

  • Lundo la 19a de novembro 2018, je la 18:30

  • Lundo la 3a de decembro 2018, je la 18:30 : prelego de Anne Jausions pri literaturo, preciza temo ne definita

Arkivo

Lundo la 5a de novembro 2018

  • Kiel malkovri romanon danke al ĝia 122a paĝo… Prelego de Anne Jausions.
  • Lundon, la 1an de oktobro 2018 : Ateliero pri verkado
    Ne maltrafu tiun eventon gvidota de Laure Patas d’Illiers kiu ricevis tri premiojn de la Belarta konkurso 2018 ! :)

  • 18a de junio 2018 : L’inteligenteco de la arboj
    Iam en Germanio arbaristo rimarkis ke arboj komunikas unu kun la alia. Ili eĉ ame okupiĝas pri siaj "idoj", "praarboj" kaj "malsanaj najbaroj". La sciencistoj klarigas la interagojn de la arboj kaj la konsekvencojn de ĉi tiu malkovro. Tiu filmeto tutcerte sanĝos vian persperktivon pri la arboj kaj arbaroj.
    Vidu ankaŭ : http://les-amis-de-wangari-maathai.org/eo/
    Ne forgesu kunporti manĝaĵojn kaj trinkaĵojn.

Nia filmeto !
Dum la preparaj rondoj (19 Febr. k 5 Marto) ni elektis temon : amseruroj ŝlositaj de geamantoj sur pontoj. Post diskuto pri diversaj eblecoj ni decidis rakonti laŭ la vidpunkto de la seruroj, kio estas iom fantasta, kaj ebligos prezenti 2 mallongajn rakontojn... Venu por finpretigi la scenaron, ĝi ankoraŭ estas malfermita al viaj ideoj. La titolo eĉ ne estas trovita... helpu al ni !

  • 19 Marto 2018 : Sonia Amariglio

    Por nia rondo, nia kara Sonja Amariglio rakontis siajn memoraĵojn !
    Kia rilato ekzistas inter forlasita infano en Italujo kaj familio de Armenaj rifuĝintoj ? Kia rilato inter laktaĵoj kaj Esperanto ? Kiu kapablas improvizi prelegon internacilingvan pri bioĥemio en Meksika universitato ? ... kaj mil aliaj anekdotoj !
  • 19 Februaro kaj 5 Marto 2018 : Ni kreu filmeton !
  • 5 februaro 2018 : Belartaj Konkursoj, kun Laure Patas d’Illiers kaj Jesper Jacobsen, premiitaj en 2017.
  • 15 januaro 2018
  • 18 decembro 2017 : Asteriks la Gaŭlo vizitis nian babilrondon.
  • 4 decembro 2017 : Amuzaj rakontoj en Esperanto
  • 20 novembro 2017 : La romano 1984 de George Orwell — ĉu vi ŝatis ĝin ? kaj la nuntempon, ĉu vi ŝatas ? kion rakontas la romano ? kaj kion ĝi diras ? kion verkus Orwell hodiaŭ, aŭ estus verkinta pasintece, aŭ en foraj landoj ? ĉu tia literaturo bonas aŭ koruptas ? je la vico de kiu lando post Turkio ? kiel Orwell rilatis kun Esperanto ?
    Ĉu vi jam legis la libron ?
    ni proponas al vi amuzan ludeton :
    Simple alklaku tiun ligilon : https://goo.gl/forms/xq1jjNSfVwU524Je2
  • 6 novembro 2017 : Unesko-Solenaĵo konklude al la “jaro Zamenhof”, centjara datreveno de la morto de Zamenhof

La 10a de decembro estos kaj la internacia tago pri homaj rajtoj (en kiu okazos la Nobel-premia ceremonio en Oslo) kaj la 63a datreveno de la rezolucio de Unesko en Montevideo, dank’al kiu UEA akiris konsultajn rilatojn kun Unesko. Por vigligi siajn kontaktojn kun Unesko, UEA planas du aranĝojn ĉirkaŭ tiu ĉi dato.
En Unesko mem (en 200-homa salono XI), lundon, la 11an de decembro matene (9 h 30 – 13 h 30) konklude al la “jaro Zamenhof”, centjara datreveno de la morto de Zamenhof, kiun Unesko enskribis en sia listo de jubileoj celebrindaj en 2017. Jam okazis multaj aranĝoj tra la mondo rilate al tiu ĉi jubileo, ekzemple en Parizo en la muzeo Mundolingua la 20an de aprilo, sed ankoraŭ ne en Unesko mem. Necesos multaj laborfortoj por finorganizi la aferon, reklami ĝin kaj registri la aliĝojn, finaranĝi la ekspozicion, prepari la programojn kaj la bonvenigan kafon, alporti kaj instali la materialon, akcepti la publikon...

La 6an de novembro, ni dispartigu la restantajn taskojn, ĉar ni evidente kalkulas je vi, Francilianoj, por helpi en tiu ĉi Unesko-solenaĵo.

Krome, dimanĉon la 10an de decembro, dum la tuta tago, UEA planas AMO-seminarion en la sidejo de Espéranto-France specife pri Unesko, por trejni aktivajn Esperantistojn cele al ampleksigo de nia Unesko-teamo kaj vigligo de nia Unesko-agado. La ĵusa apero de Unesko Kuriero en Esperanto estas grava kialo plifortigi niajn kontaktojn kun Unesko, kaj Trezoro, kiu respondecas pri ĝi, venos el Ĉinio por klarigi sian planon por la venontaj monatoj kaj kiamaniere francaj Esperantistoj povos helpi. Krome, ni parolos pri la ĝenerala funkciado de Unesko kaj la efektiva rolo de UEA ĉe Unesko, kaj pri la ebleco, ke Esperanto fariĝu nemateria monda heredaĵo laŭ Unesko. La 6an de novembro, ni intencas ne trakti tiujn ĉi temojn, sed praktike organizi la AMO-seminarion, interalie la varbadon de partoprenantoj (supozeble maksimume dekdu), kiuj pretu estonte aktivi en la UEA-teamo ĉe Unesko.
— 

  • 16 oktobro 2017 : Esperanto en plurlingvaj renkontiĝoj : pripensado, organizado, debato

Ĉiusemajne okazas plurlingva renkontiĝo en pariza trinkejo. Ni havas eblecon oficiale kaj daŭre partopreni la eventon. Ĉu estas bona okazaĵo konatigi kaj disvastigi Esperanton ? Kiel organizi la aferon por daŭre ĉeesti ? Ĉu vi estus volontuloj ?

  • 2an de oktobro 2017 : Isabelle kaj Damien Allard el Bretonio prelegis pri siaj projektoj.
    Bicikla vojaĝo al Aŭstralio, pacaj kaj pedagogiaj projektoj
    Atelieroj de Lertaj Teranoj, specialaj misioj por ekocivitanoj
    Interkomunikigu Teranojn por disvastigi Esperanton

Okazintaj temoj de la jaro 2016/2017

  • merkredon la 28an de junio okazis pikniko por festi la finon de niaj jaraj rendevuoj,
  • 12 junio 2017 : Bone farti, projekto prezentata de Ŝaja
    Projekto por socia reto kiu agos samtempe ĉe 3 sociaj kampoj : sano, transnacia komunikado, komerco.

Bone Farti ne estos rezervita ekskluzive al E-parolantoj ĉar ĝi ankaŭ celas malizoligi E-ujon, kaj reciproke sentabuigi/senmurigi la ne-E-istojn.
Prelegos Shaja en La Ĉerizejo kaj ni provos organizi la kunvenon tiel, ke ĉiuj povu ĉeesti per interreto.

La tabua trilogio
Por solvi la komunikan problemon pri la disigo de esperantujo el ekstera mondo, kaŭzita de komunika murego, unue ni komprenu ke tian specan socian muron ankaŭ oni vidas ĉe multaj sociaj kampoj.
Poste ni komprenu ke pli efikas samtempe helpi situaciojn ĉe pluraj kampoj.
La projekto Bone Farti samtempe agos ĉe 3 sociaj kampoj :
Sano — Transnacia komunikado — Komerco.
Parton de la ideoj de la projekto inspiris la fama esperantisto Claude Piron, la aliaj estas novspecaj.

  • 22 majo 2017 : Raporto pri la vojaĝo de Nathalie Kesler, François Lo Jacomo kaj Marianne Dunlop en Norda Koreio de la 4a ĝis la 12a de aprilo 2017 por revigligi Esperanton en tiu ĉi izolita lando.
    Venonta Universala Kongreso okazos en Suda Koreio, sed dum jardekoj, ankaŭ en Norda Koreio ekzistis sufiĉe vigla Esperanto-movado, kaj antaŭ trideko da jaroj ĝi ŝajne estingiĝis. Dank’al Asocio pri Franc-Korea Amikeco, tri Esperantistoj (Nathalie Kesler, François Lo Jacomo kaj Marianne Dunlop) retrovis etajn spurojn de tiu ĉi agado kaj vizitis la landon kaj la ĉinan landliman urbon Dandong kun la intenco reenkonduki Esperanton en Nordan Koreion.
    Kun speciala programo, konstruita por ni tri laŭ nia deziro, ni vizitis novajn kaj malnovajn monumenton, la faman urbeton Panmunjeom ĉe la landlimo inter ambaŭ Koreioj, sed ankaŭ plurajn universitatojn kaj lernejojn, kaj sukcesis interesigi homojn al Esperanto. Interalie nia gvidantino komencis lerni la lingvon, sufiĉe rapide. Kaj en mezlernejo, Nathalie improvizis kelkminutan kurson al tuta klaso de 15-jaruloj.
  • 10 aprilo 2017 : Michèle Abada-Simon estis invitita por diskuti pri ŝia longa eksperimento de la vivo !
  • 13 marto 2017 : pri la filmo Kapitano fantasta :
    Tiu idealisma filmo kiu prezentas familian utopion, plaĉis al multaj E-oj kiuj klarigos kial. Ili proponos debaton pri kelkaj gravaj temoj spektante tre mallongajn fragmentojn de la filmo : Ĉu eblas vivi ekster la socio ? ; Kiaj konsekvencoj por la infanoj ? ; Kial elekti liberan edukadon ?.... La filmo instigas nin pensi pri niaj vivmanieroj, ĝi traktas multajn facetojn de la nuna socio : la valoroj kiujn ni implice akceptas, dilemoj kaj defioj de niaj elektoj, interrilatoj, edukado en lernejo kaj en familioj, sociaj luktoj, rilato al la naturo. Ĉu ekzistas klaraj rimedoj ? Venu diskuti la filmon en bona etoso, eĉ se vi ne spektis ĝin, ni faros resumon de la ĉefaj eventoj.
  • 27 februaro 2017 : ni babilis trikante ĉapojn/kufojn (William).
  • 13 februaro 2017 : konvenciaj kodoj, lingvoj, signoj (Régis).
  • 23 januaro 2017 : PKL, la Parola Kompletigita Lingvo por Esperanto, prezentita de Abdel kaj William.
    Tiu man-simbola kaj silaba sistemo helpas al surduloj kaj al malbonaŭdantoj, por parole dialogi per normala Esperanto. Abdel kaj William ricevis atentajn orelojn :

Vizitu la retjon kreitan de Abdel : PKL, kaj venu al la kongreso en Mandres por aŭskulti pli ampleksan prelegon !

  • 9 januaro 2017 : ni manĝis la tradician "reĝkukon".
  • 12 decembro 2016 : la kongreso en Mandres, projektoj.
  • 28 novembro 2016 : Irana gnostikismo, prezentita de Said Baluĉi.
    Tiu kunveno sekvis la prelegon pri la historio de la religioj en Irano, la 26an de novembro.
  • 14 novembro 2016 : Tra Eŭropo kaj tra la 20a jarcento kun la familio Bresler.
    14 Novembro 2016 : emocia momento dum la prelego de Lucien Bresler pri lia familio : Marianne lin sciigas la nomon de la unua edzino de lia patro, deportita-mortigita dum la dua mondmilito, nomon kiun li malkonis.

— 

Datoj kaj temoj de la jaro 2015/2016 :

  • 8 februaro 2016 : La flava hundo kun Maigret : "kunportu bieron" (prezentita de Marianne)
  • 22 februaro 2016 : La sovaĝa infano de Truffaut : "ni trinkos akvon kaj manĝos radikojn" (Régis)
  • 14 marto 2016 : Aloo vera - lumbildoj, filmeto kaj... gustumado ! (Izabel’ kaj Viktoro).
  • 28 marto 2016 : La Benkoj de la promenejo (humura rakonto).
  • 11 aprilo 2016 :
    Demandoj kaj respondoj pri Irano, kun Said Baluĉi : Irano ! ĉu ankoraŭ problemo ? Kiel vivas ĉiutage Irananoj ?
  • 25 aprilo 2016 : Irana kulturo, kinoarto kiel Taksio Teherano, Persepolo, artoj, artistoj, kaligrafio, muziko kaj tipaj instrumentoj.
  • 23 majo 2016 : Wangari Maathai, Nobel-Premio 2004, la Kenjanino kiu plantis arbojn. Elizabeto rakontis ŝian vivon, ni spektis dokumentan filmon subtitolitan esperante.
  • 27 junio 2016 : pikniko.

Por proponi temon, retmesaĝu al marianne.pierquin@laposte.net

En la sama rubriko: